Orienteringsgruppa er ein gjeng med unge vaksne som trener saman, treffest på orienteringsløp og arrangerer løp til glede for oss sjølv og andre. Målet vårt er å skapa eit godt miljø med idrettsglede og gode opplevingar i naturen.
Bli med på trening
Me har ingen faste orienteringstreningar, men spring intervallar kvar måndag klokka 19.30. Dette er ei rein kondisjonsøkt, og du treng ikkje kart eller kompass for å vera med. Treninga passar for alle uansett alder og form. Møt ferdig oppvarma. Opplegget varierer litt frå gong til gong, men økta varer cirka ein halvtime.
Treningsopplegg og påmelding:
Me sender ut informasjon om treningane og ulike arrangement gjennom appen Spond. På grunn av smittesporing er det viktig at du melder deg på om du kjem. Dette gjer du også i Spond. Søk opp Frøyland kondis i appen.
- Frøyland kondis: Gruppekode ZHTBY
Les mer her om korleis grupper i Spond fungerer.
Bli med på o-løp
Det blir arrangert mange orienteringsløp i distriktet. Terminliste og informasjon om påmelding finn du på Eventor.no. Det er heilt vanleg å delta på løp utan å ha prøvd orientering før. Det finst både lette og vanskelege løyper, og som nybegynnar kan du få hjelp av arrangøren til å koma i gang. Du kan også få låna utstyr ved start.
Ønsker du å springa for Frøyland IL? Meld deg inn i idrettslaget.
Kurs i kart og kompass
Om du ønsker litt rettleiing og kursing før du deltek i løp, kan me hjelpa deg i gang. Ta kontakt, så sett me opp eit kurs, eller hjelper deg med det du treng.
